«Ճախրուկ» հասարակական կազմակերպության հիմնադիրներ, կլինիկական հոգեբաններ, երաժշտաթերապևտներ Աննա և Անահիտ Մխիթարյաններն իրականացրել են արտ-թերապևտիկ խմբային աշխատանք Քրեակատարողական ծառայության կենտրոնական մարմնի աշխատակիցների հետ։
Կենդանի ազգային երաժշտության հնչողության միջոցով մասնակիցները ստեղծագործական գործընթացի օգնությամբ անդրադարձել են սեփական ներաշխարհին, հուզական ապրումներին և կյանքի դժվար փորձառություններին։ Աշխատանքը միտված էր ինքնաճանաչմանը, ներքին լարվածության թուլացմանը, հուզական արտահայտման և ներքին ռեսուրսների վերագտնմանն ու վերականգնմանը։
